N-Gage vika í apríl

 

Ágæti liðsfélagi.

Nú líður að vori og þó ekki sjái þess endilega stað í veðráttunni þessa dagana þá nálgast keppnistímabilið í motocross óðfluga. Til þess að efla okkur í þeim ásetningi að verða bæði okkur sjálfum og styrktaraðilum okkar til sóma á komandi sumri hefur verið ákveðið að efna til viku þjálfunar fyrir liðsmenn KAWASAKI dagana 28 apríl til 02 maí í vor.

Höfum við fengið Garry nokkurn hjá N-GAGE, þjálfara og íslandsvin til þess að koma til landsins umrædda daga og taka á því með okkur. Mun hann taka lið í þjálfun einn dag og enda á sameiginlegum degi allra liða þar sem áherslan verður lögð á stuttar áhorfendavænar æfingar svo sem stökk- og moto-æfingar, samskipti við styrktaraðila liðsins, styrktaraðila einstakra ökumanna  og  yngri kynslóð KAWASAKI hjólamanna sem verður boðið sérstaklega.

Við höfum lagt okkur fram um að ná kostnaði niður og með hjálp nokkurra aðila hefur tekist að koma þessu í það horf að þegar þetta er skrifað þá eru líkur á að kostnaður hvers liðsmanns verði rétt rúmar 4.000,- kr. fyrir dags þjálfun með toppþjálfara og sameiginlega þjálfun allra liða á föstudeginum.  

Það skal tekið fram að um skyldumætingu allra liðsfélaga er að ræða þá daga sem dagskrá segir til um, enda er hér um einstakt tækifæri að ræða hvað varðar möguleikann á að læra og verða betri hjólamaður að ógleymdu því að hitta liðsfélagana og eiga góða stund saman til undirbúnings tilvonandi keppnistímabils.

Dags	Lið	Tími	Braut
28 apríl mánudagur	MX1,MX2	09:00 til 15:00	??
29 apríl þriðjudagur	125cc/250f unglingalið	09:00 til 15:00	??
30 apríl miðvikudagur	85cc	09:00 til 15:00	??
01 maí fimmtudagur	Stelpur og konur	09:00 til 15:00	??
02 maí föstudagur Öll liðin mæta	Sameiginlegur sponsadagur	09:00 til 15:00	Bolaalda

 Ofangreindar dagsetningar eru fastákveðnar en við munum þegar nær líður láta vita nánar um staðsetningar og útfærslu æfinga. 

Með kveðju. 
Haukur í NITRO

 

Athugasemdir

[Árni #100 (IP-tala skráð) 29.2.2008 kl. 03:34]

Tær snilld:) Flott framtak

[Arnar Grindo (IP-tala skráð) 29.2.2008 kl. 11:59]

kostar 4000kr fyrir alla vikuna eða heh

[Ólafur H. Guðgeirsson, 29.2.2008 kl. 12:16]

85cc strákarnir fá einn dag í sérkennslu, miðvikudaginn 30. apríl.  Svo verður einn sameiginlegur dagur fyrir alla, þar sem gera má ráð fyrir smá reisi og einhverju fleiri skemmtilegu.

Dagurinn hjá Garry kostar yfirleitt 12 til 15.000 þannig að það er frábært að við skulum sleppa með 4-5.000.  Vegna þess hversu gott verð við erum að fá ákváðum við að það sé skildumæting - þeir sem vilja vera með í liðinu verða að taka þátt í þessu.

Hjóla svo!!

[Hekla #336 (IP-tala skráð) 29.2.2008 kl. 20:39]

bara flott

[aron66.is (IP-tala skráð) 1.3.2008 kl. 01:18]

Ansvítans.. ég verð í Ameríkuhreppi

[Ólafur H. Guðgeirsson, 1.3.2008 kl. 13:06]

....ég hélt þú yrðir kominn heim Aron.  Geri svo sem ráð fyrir að þú verðir við æfingar í Ameríkuhreppi þannig að þetta kemur ekki að sök hvað það varðar - leitt samt að hafa þig ekki með.

Þetta verður flott vika, ekki spurning.

[Helgi Már (IP-tala skráð) 2.3.2008 kl. 20:33]

Djöfull! Ég er eiginlega í smá bobba núna.... Ég er að byrja í prófum á þessum sama tíma.. Næ reyndar fyrri deginum hjá mér, byrja í prófunu daginn eftir. En á sameiginlega sponsadaginn verð ég allavega mjög seinn, þar sem ég verð í prófi sama dag.