Föstudagurinn langi

Flottur hjóladagur í dag, rúlluðum um sandinn fram og til baka, lögðum lítinn hring og hjóluðum okkur til óbóta - frábær dagur, flottur félagsskapur og stórkostlegt veður.  Nýja 85an hans Jóa er alveg að gera sig, eins og lagt var upp með.

Heyrði í Aroni Vestmannaeyjafara áðan, hann lét vel af þeim félögum, frábær braut og góður dagur og stefndi greinilega í gott djamm í eyjum.

Sá fréttir af hjólamanni sem missti húsberginn sinn í útsogið í ánni Klifandi á Péturseyjarfjöru.  Ég hef oft hjólað að ósum þessarar ár, og reyndar um allt þetta svæði frá því að ég var krakki á skellinöðru.  Ég hef aldrei heyrt um að það sé mögulegt að hjóla yfir þessa á, og alls ekki þarna í flæðarmálinu því áin er straumhörð, vatnsmikil, útsogið í sjónum er mjög sterkt og það er mjög aðdjúpt þarna við ströndina. 

Að mínu viti væri stórhættulegt að reyna þetta og dytti mér ekki í hug að hjóla yfir hvorki þessa jökulá eða aðrar á svæðinu.  Kalliði mig bara kjúkling en ég hef fylgst með þessum ám frá því að ég man eftir mér.......

 

Óli G.

Athugasemdir

[Arnor #661 (IP-tala skráð) 23.3.2008 kl. 13:49]

já sææll, óli hvar voruð þið að hjóla ?, var uppi þorlákshöfn i brautini hún var drullu góð enn sá ekki eitt stk lifandi mann þar,

[Ólafur H. Guðgeirsson, 23.3.2008 kl. 14:10]

Sæll Arnór - staðurinn þar sem við vorum verður ekki nefndur með nafni hér á netinu, þetta er einkaland þar sem hægt er að hjóla með sérstöku leyfi landeiganda í hvert skipti.

Við viljum ekki lenda í svipuðum málum þarna og er að gerast í Þykkvabæ þannig að staðurinn verður ekki nefndur.

Við ætlum hins vegar í Þorlákshöfn á morgun, mánudag.

Óli G.

[Pétur 35 (IP-tala skráð) 23.3.2008 kl. 17:49]

Sæll Óli og gleðilega páska- Kl hvað er stefnan að vera í Þorlákshöfn væri gamann að fjölmenna.

[aron 66 (IP-tala skráð) 23.3.2008 kl. 19:32]

Ég og Össi fórum í þorlákshöfn í dag og brautin var bara snilld.

 Hvenær ætliði að mæta,, ég nenni ekki að rífa mig upp snemma svo ég tali nú fyrir sjálfan mig :) Voru þið að hugsa um eitthvað fyrir 10?