Team Kawasaki MX og Enduro

29.4.2008 | 20:34

N-Gage æfingar - Kawasaki-dagurinn

Fín æfing í dag er mér sagt, en svo mikið rok að menn stóðu ekki í lappirnar þegar leið á daginn. Brautin erfið en skemmtileg engu að síður. Garry þjálfari fær mikið hrós.

Á morgun mæta 85cc strákarnir og ef það verður eins hvasst og í dag þá þurfa pabbarnir örugglega að tjóðra þessa titti niður........ Muna bara að hafa 1.500 kall til að borga brautargjaldið.

Á fimmtudag er svo komið að stelpunum. Vegna þess að það er frídagur á fimmtudaginn er ekki hægt að hafa brautina lokaða fyrir félagsmenn í klúbbnum á Akranesi, þannig að stelpurnar þurfa ekki að borga nema 1.000 kall í brautina. Ásgeir #277 verður á staðnum og tekur við aurunum.

Dagskráin fyrir Kawasaki-daginn á föstudaginn er farin að skýrast:

Álfsnes er eingöngu opið Kawasaki-hjólum til klukkan 18 á föstudaginn!! Athugið að við þurfum samt að kaupa miða í brautina.
Þátttakendur í námskeiðinu mæta klukkan 11; Garry ætlar að messa yfir ykkur og jafnvel láta ykkur hjóla svolítið meira.
Kawasaki-dagurinn hefst klukkan 14 - allir Kawasaki-hjólarar eru boðnir velkomnir á svæðið.
Garry mun vera með þjálfun og standa fyrir skemmtiatriðum; vonir standa til að Haukur taki nokkra hringi á KX65......taki jafnvel reis við einhverja aðra ofurhetju.
Klukkan 18 grillum við, pulsur og meððí, og Ölgerðin Egils býður öllum uppá drykki, en Egils og MountainDew eru stuðningsaðilar Team Kawasaki 2008.

Ég vil sérstaklega taka fram að ástæðan fyrir því að við fáum að hafa brautina fyrir okkur alveg til klukkan sex er að Elli P. - pabbi Ásgeirs #277 og eigandi Jarðmótunar (www.jardmotun.is) - tekur að sér að mæta með gröfu og laga brautina fyrir ekki neitt! Hann á sérstakar þakkir skildar fyrir þetta...vinnuvélatíminn er nefnilega hreint ekki gefins þannig að við Kawasaki-fólk skulum bara segja pent takk fyrir okkur!

Sömuleiðis þökkum við N1 fyrir veittan stuðning, en þeir ásamt auðvitað Nitró eru aðal stuðningsaðilar Team Kawasaki á árinu 2008.

Svo er bara að mæta og skemmta sér sem allra mest og best, læra sem mest og drífa sem flesta unga hjólara og verðandi hjólara með okkur á föstudaginn!! Góða skemmtun!

Óli G.

Flokkur: Íþróttir | Breytt s.d. kl. 21:18 | Facebook

Athugasemdir

Hann Garry er að gera góða hluti það eru orð að sönnu.
Hefði mátt vera betra veður í dag en svona er að búa á Íslandi og ekki gleyma því að það getur verið hvasst í keppni :)

Já það er rétt að Nítró og N1 eru að styrkja Kawasaki keppnisliðið en það sem hann Elli er að gera fyrir okkur öll er með ólíkindum og ég þakka honum kærlega fyrir frábæran stuðning.

Varðandi Föstudaginn þá vil ég endilega hvetja alla liðsmenn til að mæta og þótt menn og konur komist ekki fyrr en seinnipartinn þá endilega mæta þegar þið komist.

Við þurfum á öllum hópnum að halda til að gera þetta sem allra flottast.

Haukur

Haukur (IP-tala skráð) 29.4.2008 kl. 21:42