Keppni í Sólbrekku - nóg komið af slysum!!

Vona að allir séu búnir að skrá sig í keppnina í Sólbrekku næsta laugardag - þetta verður bara gaman.  Þeir hópar sem hyggjast skrá sig í liðakeppnina þurfa að gera það ekki seinna en í dag - farið á MSÍ-vefinn og skráið ykkur í fjögra manna liðin innan ykkar keppnisflokks.  MX1 saman, MX2 saman, MX125 saman.  Búið er að skrá kvennaliðin og MX85 er í slæmu standi þannig að þar er ekkert lið.

Svo legg ég til að þið hættið að meiða ykkur - Haukur, Jói og Aron allir úti í einhvern tíma og Hinrik að ná sér eftir fótbrot; sömuleiðis er Helgi meiddur á hné en ekki hefur komið í ljós enn hversu alvarlegt það er.

Sömuleiðis hafa þær systur Margrét og Sandra ákveðið að yfirgefa Kawasaki-liðið og leita annarra lita.  Það er mikil eftirsjá að þeim systrum úr hópnum og er þeim þakkað fyrir skemmtilegt samstarf - vonandi hættum við ekki að vera vinir þó liturinn breytist.

 

Óli G.

Athugasemdir

[eyþór#899 (IP-tala skráð) 3.6.2008 kl. 13:10]

keppir Hinrik og jói i sólbrekku

[Ólafur H. Guðgeirsson, 3.6.2008 kl. 15:18]

Hæ Eyþór

Held að Hinrik sé að ná sér, er ekki búin að heyra fyrir víst hvort hann nær að keppa.

Jói liggur heima og borar ekki einu sinni í nefið, til að hlífa öxlinni og reyna að ná sér.  Hann er skráður í keppnina en við tökum stöðuna á föstudaginn og ákveðum þá hvort hann keppir.  Ferlega fúlt maður.....en svona er þetta sport!!