Iceland Express styrkir landsliðið á MXoN

Samkvæmt samningi sem skrifað var undir í morgun, föstudag, mun Iceland Express leggja keppendum okkar og liðsstjóra til flugfar til Englands vegna Motocross of Nations nú í lok september.  Munu keppnistreyjur og liðsjakkar verða merktir með merkjum Iceland Express í tilefni af þessu.

Express-ferðir bjóða einnig áhugafólki um keppnina ferðir til Englands á hagstæðu verði, ásamt aðstoð við útvegun gistingar.  Nánari upplýsingar veitir Ágúst Valsson hjá Express-ferðum -  www.expressferdir.is

Iceland Express hefur tekið þessu máli okkar afar vel og sýnt þessu máli mikinn áhuga.  Við bindum vonir við að hér sé lagður grunnur að samstarfi til framtíðar og munum gera okkar besta til að tryggja að það verði árangursríkt fyrir báða aðila.