Enduro Sauðárkrókur

Ég skellti mér norður á Laugardagsmorgun til að horfa á Endurokeppnina sem þar fór fram,og það er óhætt að segja að það var hverja krónu virði það ferðalag. Heimamenn höfðu lagt í samráði við Hjört Líklegan braut sem lengi verður í minnum höfð fyrir erfiðleika stig og fjölbreytni.

Baldursdeildarbrautin var reyndar of erfið í fyrri umferð og margir sem aðeins komust hálfan hring áður en 45 mínúturnar voru liðnar,og á tímabili leit fjallið út eins og það væri að kvikna í því þar sem að bullsauð á keppnisgræjum flestra keppenda.

Í Baldursdeild voru það Signý,Guðfinna og Tedda sem héldu merki Teamkawasaki á lofti og gerðu það ágætlega þrátt fyrir erfiða braut. Það var Kawasaki ökumaðurinn Ingvar Birki Einarsson sem sigraði þessa keppni og tryggði sér Íslandsmeistaratitilinn í Baldursdeild þetta árið með góðum akstri.Til hamingju með það Ingvar.

í Meistaradeild var mikil spenna fyrir daginn þar sem að aðeins 30 stig skildu Einar Sig og Valda að og ljóst að Einar varð að vera á undan Valda í báðum umferðum ef hann ætlaði að eiga séns á að ná honum af stigum. Það var hinsvegar Meistarinn frá 2006 Kári Jónsson sem kom sá og sigraði og virtist vera í fanta formi sem kemur á óvart eftir að hafa verið frá keppni í 1 og 1/2 ár.

Af Kawasaki ökumönnum þá var Pétur Smára að keppa og einnig var Garðar Atli mættur á svæðið,en ég er ekki viss hvar þeir enduðu þar sem að opinber úrslit hafa ekki verið birt en.

Í tvímenning áttu þeir Árni #100 og Ásgeir #277 góðan séns á Íslandsmeistaratitli,en eitthvað kom upp á hjá Ásgeiri í fyrri umferð sem varð til þess að Árni fór inn í braut á hjólinnu sínu til að ná í tímatökusendirinn,og það er víst ekki leyfilegt...sem verður að segjast skrítið þar sem að þeir geta engan vegin hafa hagnast á því...nema að því leitinu að ljúka keppni..sem ég hélt að væri alltaf markmiðið með öllu keppnishaldi. Það eru einhver kærumál í gangi með þetta og fleiri atriði og það hlýtur að koma í ljós seinna í vikunni hvernig það fer.

Þá er keppnistímabillinu í MX og Enduro formlega lokið,en eftir eru vonandi einhver local mót,og hefur heyrst að það verði mót í Sólbrekku 20 Sept,og einnig er ljóst að Langisandur verður í Október. Svo er spurning hvort að Moto-Mos heldur kannski fyrsta bikarmótið sitt áður en vetrar.

Kveðja: Guggi

Athugasemdir

[Lolla (IP-tala skráð) 8.9.2008 kl. 11:56]

Þetta var skemmtilegasta endurokeppni sem ég hef horft á!

Er samt alveg sammála Gugga að fyrri umferðin var allt of erfið fyrir B flokkinn. En allir komu þeir aftur og enginn þeirra dó, eins og segir í kvæðinu :) ...og stelpurnar kláruðu með stæl, þ.e Signý, Maggý og Guðfinna. Tedda ákvað að láta ekki hafa sig út í þessa vitleysu svona á gamalas aldri ;)