"....do NOT think of a Blue Tree."

 Ef einhver segir að maður eigi ekki að hugsa um eitthvað, eins og til dæmis Blátt Tré, þá er það auðvitað það fyrsta sem maður hugsar um.  Þetta er eitt að því sem Ed Bradley leggur áherslu á í sinni þjálfun - hann segir þátttakendum hvað það á að gera, en ekki hvað það á ekki að gera.

Fyrstu dagar Team Kawasaki með Ed Bradley voru núna um helgina og ég verð að segja að ég varð mjög hrifinn af því hvernig hann nálgast MX-þjálfun.  Hann beitir sálfræði meira og betur en ég hef áður séð og ég er klár á að allir sem taka þátt eiga eftir að verða mun betri hjólarar eftir sumarið.

Á meðfylgjandi myndum má sjá Ed í nýja búningnum, en að minsta kosti MX1 og MX85 liðin verða í þessum hvíta og rauða búningi.

 

 

 

 

 

 

 

 

 

Annars hafa verið gerðar nokkrar breytingar á MX85 liðinu:  Aðeins tveir strákar eru eftir í liðinu, þeir Jóhannes Árni Ólafsson #919 og Hinrik Ingi Óskarsson #207.  Andri Ingason #285 ætlar að einbeita sér að hestaíþróttum í sumar og verður þess vegna lítið með en kemur vonandi tvíefldur til baka seinna, og Arnar Gauti Þorsteinsson hefur ekki tök á að vera með af ýmsum ástæðum.  Fleiri öflugir Kawasaki-strákar eru að banka fast á dyrnar hjá 85-liðinu og má nefna Agnar Baldur Steinarsson frá Dalvík, Gylfa Smárason í Grindavík og Jökul sem ég man ómögulega hvers son er, en þessir strákar eru allir mjög öflugir og upprenndandi hjólarar.  Það má nefna það hér, að árangur þessara stráka í MX85 byggist að mjög miklu leiti á miklum stuðningi og áhuga foreldra á sportinu og krökkunum, og verð ég að þakka foreldrum þessara þriggja síðastnefndu sérstaklega fyrir mikinn áhuga og stuðning undanfarið.

Eitt sem ég verð að benda á til að spara mönnum viðgerðir:  Tjón var á mótornum hjá Jóa í Álfsnesi um síðustu helgi, þegar gúmmítúðan milli lofthreinsara og blöndungs losnaði frá blöndungnum.  Við lentum í alveg sama máli í keppninni í Álfsnesi í fyrra, þegar túðan losnaði, vélin saug drullu í gegnum blöndunginn og steikti stimpil; núna var rykið allt að drepa og vélin tók inn ryk.  Í fyrra passaði ég alltaf vel að herða skrúfuna sem heldur þessari túðu fastri við blöndunginn eftir tjónið í Álfsnesi en minnið hefur frosið í vetur og ég gleymdi þessu aftur - sem leiddi til þess að vélin saug inn ryk á sunnudaginn.  Endilega herðið þessa skrúfu líka þegar þið farið yfir bolta og skrúfur á KX85, það getur sparað pening

Just in case Ed Bradley looks at this page, I would like to thank him  for last weekend; we are looking very much forward to working with him during the summer.

Sauðárkrókur um helgina

Næsta helgi er Hvítasunnuhelgin - frí á mánudeginum, jjeyyy!

Team Kawasaki stefnir á að fara norður á Sauðárkrók um helgina og æfa í brautinni þar.  Tedda kannaði með gistingu á svæðinu og er laus gisting hjá Hestasport - riding.is - sem er með nokkur hús til leigu þarna rétt hjá.  Síminn þar er 453-8383.

Tékkið endilega á þessu og drífið ykkur með norður, verður bara gaman!

eitthvað fyrir okkur 85cc strákana

   Hinrik #207

Teamkawasaki dagurinn frábær skemmtun

Það er óhætt að segja að Teamkawasaki dagurinn í dag hafi verið frábær skemmtun. Gary frá N-Gage hélt úti skemmtilegri stökk og start æfingum fyrir keppnisliðið,og fór svo yfir grunnatriðin með yngri iðkenndum seinni hluta dagsins.

Klárlega góð byrjun á sumrinu sem á vonandi eftir að verða okkur Kawasaki fólki farsælt og sigursælt.

Ég er búin að setja in slatta af myndum frá deginum í mynda albúmið.

Thjalfun i sumar.

Sael oll somul.

Eg verd med einkathjalfun i Motocross i sumar. Aefingarnar fara fram 2x i viku 3 tima i senn. Aefingarnar hefjast 2.Juni og standa alveg fram i September. Eg hef akvedid ad taka 4 einstaklinga ad mer, og verda 2 saman i hop. Nu thegar eru 2 skradir a namskeidin hja mer og aetla their einstaklingar ad vera hja mer i allt sumar. Haegt er ad boka einn manud i einu, eda allt sumarid. Eg er thvi med 2 laus plass, a Thridjudogum og Fimmtudogum. Fyrir tha sem ekki eru komnir med bilprof ad tha bydst eg til thess ad saekja tha krakka og skutla heim ad lokinni aefingu,  fyrir tha sem bua a hofudborgarsvaedinu eda i grendinni, an endurgjalds. Skilyrdin sem eg set fyrir tha sem vilja taka thatt eru eftirfarandi:

-Verdur ad vera ad keppa i Islandsmotinu
-Verdur ad hafa metnad og vilja til thess ad na framforum

 Nakvaemari upplysingar um kennslu og verd er haegt ad nalgast a e-maili hja mer [e-mail]

 Eg byd Kawasaki medlimum sma forskot a thessa kennslu en eftir helgi bydst ollum sem vilja taekifaeri a ad boka sig i kennslu hja mer.

 

Kaer kvedja fram Ameriku,

Aron#66

N-Gage - stelpurnar í dag, 85cc í gær

Fínn dagur í gær fyrir strákana í 85cc flokki.  Garry hefur greinilega mjög gaman af því að vera með yngri hjólara með sér og það var ótrúlegt að sjá hvernig hjólastíllinn breyttist hjá þessum strákum þegar leið á daginn.

Hafi menn haft einhverjar efasemdir um að svona þjálfun skili sér þá hvarf allt slíkt í gær því veruleg breyting var sjáanleg á öllum strákunum.  Þó verð ég að minnast sérstaklega á tvö strákanna, þá Viggó Smára Pétursson sem gaf hinum ekkert eftir með flottann stíl á KX65, og Agnar Baldur Steinarsson sem kom alla leið frá Dalvík til að vera með okkur.  Agnar hefur sáralítið hjólað í braut hingað til en það var hreint ekki að sjá í gær.

Stelpurnar eru svo með Garry á Skaganum í dag.  Vonandi fá þær heldur betra veður en við fengum í gær, það var hávaða rok allan daginn með tilheyrandi mjoldarfjúki.  Við áhorfendur vorum álíka vindþurrkaðir og harðfiskur eftir daginn.

Svo sjáumst við öll á morgun í Álfsnesi.  Þátttakendur í námskeiðunum mæti klukkan 11 en allir aðrir Kawasaki-hjólarar eru boðnir velkomnir klukkan 14.  Brautin er lokuð öðrum en okkur til klukkan 18, en þá grillum við og drekkum gos frá Ölgerðinni.  Athugið að Elli P. og félagar verða með tæki í brautinni að laga hana þannig að við verðum að hjóla af varfærni kringum gröfurnar.

Sjáumst spræk á morgun!

N-Gage æfingar - Kawasaki-dagurinn

Fín æfing í dag er mér sagt, en svo mikið rok að menn stóðu ekki í lappirnar þegar leið á daginn.  Brautin erfið en skemmtileg engu að síður.  Garry þjálfari fær mikið hrós.

Á morgun mæta 85cc strákarnir og ef það verður eins hvasst og í dag þá þurfa pabbarnir örugglega að tjóðra þessa titti niður........  Muna bara að hafa 1.500 kall til að borga brautargjaldið.

Á fimmtudag er svo komið að stelpunum.  Vegna þess að það er frídagur á fimmtudaginn er ekki hægt að hafa brautina lokaða fyrir félagsmenn í klúbbnum á Akranesi, þannig að stelpurnar þurfa ekki að borga nema 1.000 kall í brautina.  Ásgeir #277 verður á staðnum og tekur við aurunum.

Dagskráin fyrir Kawasaki-daginn á föstudaginn er farin að skýrast:

• Álfsnes er eingöngu opið Kawasaki-hjólum til klukkan 18 á föstudaginn!!  Athugið að við þurfum samt að kaupa miða í brautina.
• Þátttakendur í námskeiðinu mæta klukkan 11; Garry ætlar að messa yfir ykkur og jafnvel láta ykkur hjóla svolítið meira.
• Kawasaki-dagurinn hefst klukkan 14 - allir Kawasaki-hjólarar eru boðnir velkomnir á svæðið.
• Garry mun vera með þjálfun og standa fyrir skemmtiatriðum; vonir standa til að Haukur taki nokkra hringi á KX65......taki jafnvel reis við einhverja aðra ofurhetju.
• Klukkan 18 grillum við, pulsur og meððí, og Ölgerðin Egils býður öllum uppá drykki, en Egils og MountainDew eru stuðningsaðilar Team Kawasaki 2008.

Ég vil sérstaklega taka fram að ástæðan fyrir því að við fáum að hafa brautina fyrir okkur alveg til klukkan sex er að Elli P. - pabbi Ásgeirs #277 og eigandi Jarðmótunar (www.jardmotun.is) - tekur að sér að mæta með gröfu og laga brautina fyrir ekki neitt!  Hann á sérstakar þakkir skildar fyrir þetta...vinnuvélatíminn er nefnilega hreint ekki gefins þannig að við Kawasaki-fólk skulum bara segja pent takk fyrir okkur!

Sömuleiðis þökkum við N1 fyrir veittan stuðning, en þeir ásamt auðvitað Nitró eru aðal stuðningsaðilar Team Kawasaki á árinu 2008.

Svo er bara að mæta og skemmta sér sem allra mest og best, læra sem mest og drífa sem flesta unga hjólara og verðandi hjólara með okkur á föstudaginn!!  Góða skemmtun!

Óli G.

N-Gage æfingarnar

Flott æfing hjá Garry í dag er mér sagt - svo flott að meira að segja Árni lögga var hálf þreyttur og þá hefur nú eitthvað gengið á...  Brautin hjá Skagamönnum var góð, svaka ruts mynduðust og mikið stuð.  Þeir eiga miklar þakkir skildar fyrir að lána okkur brautina til einkaafnota.

Þeir sem eiga að mæta næstu daga þurfa að athuga það að það á að greiða brautargjaldið á staðnum - Ásgeir eða Elías taka við gjaldinu og koma því til skila, en gjaldið er 1.500,- fyrir öll hjól, sama hversu stór þau eru.  Það á ekki að fara niður á Skaga og kaupa miða, en þetta fyrirkomulag er viðhaft vegna þess að brautin er lokuð öðrum en okkur þessa daga.

Svo er bara að vona að góða veðrið haldi alveg fram á föstudag.

 

Óli G.

N-Gage æfingarnar

Æfingarnar í næstu viku, á vegum Nitró og N-Gage, verða haldnar í brautinni á Akranesi.  Brautin verður lokuð öðrum en okkur þessa daga.

Mætingar eru sem hér segir:

Mánudagur MX1 og MX2
Þriðjudagur MX125 unglingar
Miðvikudagur MX85
Fimmtudagur Kvennaflokkur

Föstudag mæta svo allir flokkar.  Auk þess er öllum Kawasaki-hjólurum boðið að koma og vera með okkur, sérstaklega yngri hjólurum á KX65 og KX85.  Dagskrá og staðsetning verður tilkynnt síðar.

Gott væri ef einhver sem þekkir leiðina í brautina á Akranesi gæti sett lýsingu á leiðinni þangað í athugademdir við þessa færslu.

ProCircuit Ti-4

Komid sael oll somul. Eg er med til solu ProCircuit Titanium 4 sem passar a Kawasaki KxF 2008. Thetta er manadargamalt pust sem kostar um 80 thusund. Eg aetla ad selja mitt a 50. Svo ef einhver hefur ahuga getidi sent mer mail a [e-mail]

Kv. Aron #66